Објавен извештајот на Република Северна Македонија од страна на Kомитетот MONEYVAL
Во извештајот објавен денеска, Комитетот MONEYVAL ги повикува властите во Северна Македонија дополнително да ги зајакнат мерките за борба против перењето пари (ПП), финансирањето на тероризмот (ФТ) и финансирањето на пролиферацијата (ФП), особено во области на истрагите и обвинителството.
Како резултат на двогодишен процес на евалуација во повеќе фази, извештајот за Република Северна Македонија беше разгледуван и усвоен на 65-тата пленарна седница на комитетот која се одржа во месец мај 2023 година. Во рамки на целокупниот процес, Комитетот MONEYVAL изготви сеопфатна проценка за нивото на усогласеност на земјата со меѓународните стандарди на Работната група за финансиска акција (ФАТФ). Во извештајот се констатира дека, откако Република Северна Македонија ја зајакна својата правна рамка од последната евалуација, и ги постави темелите за здрав систем за справување со перење пари и финансирање тероризам, сеуште постојат неколку области на кои државата треба да го подобри спроведувањето.