Како одговор на зголемените проблеми предизвикани од перењето пари во банкарскиот систем, на самитот на Г7 во септември, 1989 година формирана е Оперативната Група за определување на дејствија за спречување перење пари и финансирање на тероризам – ФАТФ (Financial Action Task Force – FATF) како меѓувладина работна група која има задача да ги развива и поттикнува националните и меѓународните политики за спречување на перење пари.

Со мисија да обезбеди глобална акција за спречување на перење пари ФАТФ поставува стандарди, го следи напредокот (на државите членки) во примената на мерките и дејствијата за спречување на перење пари, ги анализира техниките на перење пари и ги утврдува мерките за спречување како нивен адекватен одговор, ја поттикнува примената на утврдените стандарди и друго. За поставување на основните концепти (стандарди) кои би можеле да имаат поширока примена за целите на определување и развивање на национални политики за справување со проблемите кои произлегуваат од перењето пари, ФАТФ за прв пат во 1990 година утврди Препораки, кои подоцна во 1996 година, 2003 и 2012 година ги ревидираше, односно ги модернизираше и ги направи адекватни на актуелните техники на перење пари и финансирање на тероризам.

Ефикасната имплементација на Препораките на ФАТФ ја поттикнува стабилноста на националните финансиски системи, финансиските институции ја зголемуваат резистентноста на инволвирање во шемите на перење пари и финансирање на тероризам, државите ги исполнуваат задолжителните меѓународни обврски со што ги избегнуваат непотребните санкции и избегнуваат да станат „рај“ за криминалот и друго.

ФАТФ дејствува и во друга насока, односно го набљудува напредокот на државите членки (но и оние држави-членки на регионалните тела) во имплементацијата на утврдените препораки. Паралелно и во континуитет, ФАТФ во рамки на процесот на прегледување на меѓународната соработка ги идентификува државите кои не ги имплементирале препораките на ФАТФ и произведуваат ризик од перење пари и финансирање на тероризам. Врз основа на резултатите од процесот на прегледување на меѓународната соработка, на секој состанок ФАТФ публикува Јавно Известување за држави кои стратешки недостатоци во системот за спречување на перење пари и финансирање на тероризам.

Тука може да ги најдете последните Јавни Известувања за јурисдикциите со стратешки недостатоци во системот за спречување на перење пари и финансирање на тероризам и пролиферација на оружје за масовно уништување на ФАТФ. Субјекти имаат обврска да го применат член 37 од Законот за спречување перење пари и финансирање на тероризам.

ФАТФ – Јурисдикции под засилен мониторинг (23 Октомври 2020)

Јурисдикциите под засилен мониторинг активно работат со FATF за решавање на стратешките недостатоци во нивните системи за борбата против перењето пари, финансирањето тероризам и пролиферација на оружје за масовно уништување. Кога ФАТФ посочува јурисдикција под засилен мониторинг, тоа значи дека земјата се обврзала брзо да ги реши идентификуваните стратешки недостатоци во одредена временска рамка и…

Прочитај повеќе

ФАТФ – Високо-ризични јурисдикции предмет на „Повик за Акција“ (23.10.2020)

Високо – ризичните јурисдикции имаат значителни стратешки недостатоци во нивните системи за борба против перењето пари, финансирањетo тероризам и пролиферацијата на оружје за масовно уништување. За сите земји идентификувани како високоризични, ФАТФ ги повикува сите членки како и сите јурисдикции да применат засилен мониторинг, а во најсериозните случаи, земјите се повикуваат да применат против- мерки…

Прочитај повеќе

ФАТФ објави публикација поврзана со ризиците од перење пари и финансирање на тероризам како последица на пандемијата Covid-19

Пандемијата COVID-19 доведе до невидени глобални предизвици, човечко страдање како и економско нарушување. Пандемијата несомнено доведе до зголемување на крвични дела кои се поврзани со Covid- 19. Ова ги вклучува најразничните измамами, компјутерскиот криминал, погрешно електронско насочување или експлоатација на владини фондови или меѓународна финансиска помош, што создава нови извори на приходи криминалците

Прочитај повеќе

ФАТФ објави публикација поврзана со дигиталниот идентитет

Во секоја финансиска трансакција, KYC, односно анализата на клиентот е од суштинско значење за да бидете сигурни дека средствата или приносите не се поврзани или не потекнуваат од било какви кримнални активности. ФАТФ со оваа публикација дава Упатства кои што можат да им помогнат на владите, финансиските институции, давателите на услуги за виртуелни средства и…

Прочитај повеќе