Соопштенија

Внимавајте на фиктивни инвестициски платформи кои нудат брза заработка и вложувања во виртуелни односно крипто-средства. Менувачниците задолжително да го применуваат Законот за спречување перење пари и финансирање на тероризам во целост

Во период на зголемени рекламни активности на социјалните мрежи поврзани со т.н. „платформи за остварување на брза заработка преку интернет“, Управата за финансиско разузнавање како надлежна институција основана за целите на прибирање и анализа на извештаи за сомнителни трансакции и други информации од значење за спречување и откривање перење пари и финансирање на тероризам, се придружува на апелите од страна на останатите надлежни органи и ги предупредува граѓаните да бидат внимателни со сопствените парични средства и навремено да препознаат фиктивни измамничко-инвестициски платформи, односно да не инвестираат во ваквите платформи и апликации.  Од друга страна, имајќи предвид дека голем дел од граѓаните се стекнаа со крипто-средства преку давателите на услуги поврзани со виртуелни средства во нашата држава (најчесто локални менувачници во државата кои се задолжени да применуваат мерки и дејствија за спречување перење пари и финансирање на тероризам),  ги повикуваме истите да не ги поттикнуваат и да не им помагаат на граѓаните во вршењето на трансакции, односно депонирање на крипто-средства кон ваквите потенцијално измамнички апликации.

Прочитај повеќе

Измена и дополнување на законот за спречување перење пари и финансирање на тероризам (Службен весник на Република Северна Македонија број 208/2024 од 09.10.2024 година)

Во Службен Весник на Република Северна Македонија број 208 од 09.10.2024 година објавен e „Законот за  измена и дополнвуање на законот за спречување перење пари и финансирање на тероризам’ кој што Собранието го усвои на седница одржана на 3-ти oктомври 2024 година. Воедно, Законот стапува на сила со денот на објавувањето во Службен весник на Република Северна Македонија

Прочитај повеќе

ФАТФ – Високо-ризични јурисдикции предмет на „Повик за Акција“

Високо ризичните јурисдикции имаат значителни стратешки недостатоци во нивните режими за да се спротивстават на перењето пари, финансирањето на тероризмот и финансирањето на пролиферацијата. За сите земји идентификувани како високоризични, ФАТФ ги повикува сите членки и ги повикува сите јурисдикции да применат засилени мерки кон наведените јурисдикции, а во најсериозните случаи, земјите се повикани да применат контра-мерки за заштита на меѓународниот финансиски систем од ризиците за перење пари, финансирање тероризам и финансирање на пролиферација (ML/TF/PF) кои произлегуваат од земјата.

Прочитај повеќе
Вести

Комитетот MONEYVAL ја спроведе теренската посета во Република Северна Македонија во рамки на 5-тиот круг на евалуација на системот за борба против перење пари и финансирање на тероризам

Република Северна Македонија во периодот од 21 септември до 4 октомври 2022 година беше домаќин на тимот евалуатори од Комитетот на експерти на Советот на Европа за евалуација на мерките за спречување перење пари и финансирање тероризам (MONEYVAL) во рамки на реализирањето на 5-тиот круг од оценската мисија во поглед на целокупниот систем за спречување перење пари и финансирање на тероризам.  Целта на оваа поседа е да се процени техничката усогласеност на земјата со меѓународните стандарди на ФАТФ додедка пак фокусот беше ставен на проценување на степенот на ефикасното спроведување на меѓународните стандарди за спречување на перење пари и борба против финансирање тероризам во пракса, односно степенот на подготвоност на националните надлежни органи во борбата против перење пари и финансирање на тероризам. Оцеснката мисија се спроведува согласност со методологијата на Работната група за финансиска акција (ФАТФ) од 2013 година.

Прочитај повеќе

Потпишан Меморандум за соработка и координација за ефикасна и ефективна примена на законот за рестриктивни мерки

Денеска во Клубот на пратениците беше потпишан Меморандум за соработка и координација за ефикасна и ефективна примена на Законот за рестриктивни мерки од страна на министерот за внатрешни работи Оливер Спасовски, министерот за надворешни работи Бујар Османи, заменик обвинителот на Јавното обвинителство на Република Северна Македонија, Ферат Елези, директорот на Управата за финансиско разузнавање, Блажо Трендафилов директорот на Агенцијата за национална безбедност, Виктор Димовски и директорот на Агенцијата за разузнавање Еролд Муслиу.

Прочитај повеќе

Успешно завршен проектот за зајакнување на капацитетите на Управата поддржан од Кралството Холаднија

Поголема свесност за ризиците од користење виртуелните средства, градење посеопфатна регулатива, како и одржливост и постојано надоградување на системот проследено со унапредување на капацитетите во целост со цел да се обезбеди превенција и навремено откривање на перењето пари и финансирањето тероризам. Ова беа заклучоците од завршниот настан на Проектот за унапредување на капацитетите на Управата за финансиско разузнавање финансиран од Кралството Холандија, а имплементиран од Демокраси Лаб.

Прочитај повеќе